Давлат рўйхатга олиш хизмати Қирғизистонда энг кўп миниладиган 10 машинани санаб ўтди.
2020-йилнинг декабрь ҳолатига кўра 1 412 206 та машина ва 1 705 та марка рўйхатдан ўтказилди.
Маълумки, Mercedes-Benz автомобиллари Қирғизистон йўлларида тез-тез учрайди. Мамлакатда 138 262 та шундай транспорт воситалари мавжуд бўлиб, улар рўйхатнинг юқори қисмида жойлашган.
Иккинчи ўринда Совет Иттифоқи ва Россияда ишлаб чиқарилган АвтоВАЗ автомобиллари бўлмоқда. Уларнинг 136 539 таси рўйхатга олинган.
1992-йилдан буён Ўзбекистонда чиқа бошлаган Жанубий Кореянинг Daewoo русумли автомобилларидан 133 594 таси рўйхатдан ўтказилиб, учинчи ўринни эгаллаб турибди.
Япониянинг Toyota автомобиллари Қирғизистонда ҳам машҳур. Улардан 124 847 таси мамлакатда рўйхатдан ўтказилиб, тўртинчи ўринни эгаллади ва Honda автомобиллари 117 021 нафари рўйхатдан ўтказилиб, бешинчи ўринни эгаллади.
6-ўринда Hyundai автомобиллари жойлашган. Уларнинг 82 минг 474 нафари Қирғизистонда рўйхатдан ўтган.
Volkswagen русумли автомобилдан 81.893 дона борлиги айтилса, Audi русумли автомобилдан 66.068 таси рўйхатга олинган. ГАЗ русумидаги автомобиллар ҳам биринчи ўнталикка кирди. Қирғизистонда 38 952 та шундай транспорт воситалари мавжуд. Шунингдек 10-ўринда Nissan автомобиллари (34 295) бўлмоқда.
